„Royalistmálið. Aðför Hannesar Hafstein að breskum togara á Dýrafirði árið 1899”, í Heimastjórn í hundrað ár (vefur vegna aldarafmælis heimastjórnar 2004). Greinina má finna hér. Vandrataður er millivegurinn og sitt sýnist hverjum. Heyrt hef ég út undan mér að sumum heimamönnum finnist glæsileiki Hannesar of mikill í greininni og á hinn bóginn að sumum afkomendum ráðherrans þyki ósanngjarnt að vikið sé að því að hann hafi fengið sér neðan í því á leiðinni yfir heiðina, rétt áður en hann réðst til atlögu við landhelgisbrjótinn, þvingandi heimamenn í lið með sér.